أهداف الجلسة
الاستقلالية
صيد موجة مياه بيضاء بروحك.
السلامة أثناء السيرف
أتقن طريقة الطيحة الآمنة.
التجديف
جدّف بثقة وارجع لنقطة الانطلاق.
لمن هذي الجلسة؟
- للسيرفرز المبتدئين اللي خلصوا بنجاح درس واحد للمبتدئين على الأقل.
- للسيرفرز اللي قدروا يصيدوا ويركبوا موجة مياه بيضاء بروحهم.
- للي جاهزين يتطورون بروحهم.
شنو لازم أعرف قبل ما أحضر؟
نتمنى توصل قبل 60 دقيقة على الأقل من جلستك.
بنعطيك تعليمات السلامة والأمان في الماء قبل 15 دقيقة من بدء الجلسة، لذلك المهم انك تكون جاهز مسبقاً.
لمزيد من الأمان، الخوذ وسترات السباحة متوفرة عند الطلب
احجز جلستك الحين وعيش حماس أول موجة لك!
أماكن السيرف
تقدر تحجز "اليسار" أو "اليمين" لجلستك (من منظور شخص يطالع الماء من الكلوب هاوس)، والجانبين من الرصيف طبق الأصل.
اليمين: موجة تنكسر من اليمين إلى اليسار.
اليسار: موجة تنكسر من اليسار إلى اليمين.
انتبه لسلامتك في الماء
ملاحظة مهمة: عشان سلامتك وسلامة الموجودين، إذا حجزت جلسة ومستواها كان واضح إنه أعلى من قدراتك، من حقنا نطلب منك تطلع من الماء.
عشان تستمتع بتجربتك لأبعد حد، إذا كنت محتار، الأفضل تحجز جلسة بمستوى أقل، أو تاخذ لك درس خاص عشان مدربينا يساعدونك تتطور!
